E-Pik Pahani : महाराष्ट्र शासनाचा महत्त्वाचा ई-पीक पाहणी (E-Pik Pahani) प्रकल्प आता अधिक सोपा आणि अचूक बनला आहे. २०२५ च्या हंगामासाठी या प्रणालीत अनेक नवीन सुधारणा करण्यात आल्या आहेत, ज्यामुळे शेतकरी आता कोणत्याही मध्यस्थाशिवाय थेट आपल्या मोबाईलवरूनच शेतातील पिकांची नोंदणी करू शकतात. शासनाच्या विविध योजनांचा लाभ घेण्यासाठी ही प्रक्रिया पूर्ण करणे शेतकऱ्यांसाठी अत्यंत महत्त्वाचे आहे.E-Pik Pahani
ई-पीक पाहणी का आहे महत्त्वाची?
पूर्वी शेतातील पिकांची नोंदणी तलाठी किंवा कृषी सहायक करत होते, पण आता डीसीएस (Digital Crop Survey) या ॲपद्वारे शेतकरी हे काम स्वतः करू शकतात. ही पाहणी करणे अत्यंत आवश्यक आहे, कारण या नोंदीशिवाय शेतकऱ्यांना पीक विमा, पीक कर्ज, अनुदान किंवा नैसर्गिक आपत्तीमुळे होणाऱ्या नुकसानीची मदत मिळणार नाही. शेतकऱ्यांनी स्वतः नोंदणी केल्यामुळे पिकांची माहिती अधिक अचूक मिळते, ज्यामुळे शासकीय धोरणे ठरवणे सोपे होते आणि संपूर्ण प्रक्रियेत पारदर्शकता येते. यामुळे शेतकऱ्यांचा वेळ आणि त्रास दोन्ही वाचतो.E-Pik Pahani
२०२५ साठीचे वेळापत्रक
ई-पीक पाहणीची प्रक्रिया प्रत्येक हंगामासाठी निश्चित वेळापत्रकानुसार चालते.
- खरीप हंगाम: शेतकऱ्यांनी १ ऑगस्ट ते १४ सप्टेंबर या काळात पिकांची नोंद करावी. त्यानंतर, १५ सप्टेंबर ते २८ ऑक्टोबर या काळात शिल्लक नोंदी सहायक स्तरावर पूर्ण होतील.
- रब्बी हंगाम: शेतकऱ्यांनी १ डिसेंबर ते १५ जानेवारी या दरम्यान नोंदणी करावी.
- उन्हाळी हंगाम: या हंगामासाठी १ एप्रिल ते १५ मे पर्यंतची मुदत आहे.
- फळबागा: फळबागांसाठी शेतकरी वर्षभर कधीही स्वतःहून नोंदणी करू शकतात.
या प्रक्रियेमुळे तुमच्या ७/१२ उताऱ्यावर पिकांची नोंद थेट केली जाते, ज्यामुळे कोणत्याही कागदपत्रांची गरज पडत नाही. जर तुम्हाला नोंदणी करताना काही अडचण आल्यास, तुम्ही तुमच्या गावातील महसूल अधिकारी किंवा नियुक्त केलेल्या सहायकांशी संपर्क साधू शकता. शेतकऱ्यांनी या डिजिटल क्रांतीचा लाभ घेऊन आपली पिके वेळेत नोंदवून घ्यावीत.E-Pik Pahani
