Vegetable Price Hike: पितृपंधरवड्यात भाज्यांचे भाव वाढले; सर्वसामान्यांच्या खिशाला मोठा फटका

Vegetable Price Hike : श्रावण आणि गणेशोत्सवामध्ये सर्वसामान्यांना दिलासा देणारी भाजीपाल्याची स्वस्ताई आता संपुष्टात आली आहे. पितृपंधरवड्यामुळे भाजीपाल्याची मागणी वाढल्याने बाजारातील दर मोठ्या प्रमाणात वाढले आहेत. किरकोळ बाजारात अनेक भाज्यांचे भाव १०० रुपयांच्या पुढे गेले असून, याचा थेट परिणाम सर्वसामान्य नागरिकांच्या बजेटवर होत आहे. व्यापाऱ्यांनी दिलेल्या माहितीनुसार, पुढील दोन आठवडे हे भाव असेच चढे राहण्याची शक्यता आहे.Vegetable Price Hike

वाटाणा आणि गवारचे दर गगनाला भिडले

मुंबई कृषी उत्पन्न बाजार समितीमध्ये बुधवारी जवळपास ६४० वाहनांमधून २५०० टन भाजीपाल्याची आवक झाली, तरीही मागणीच्या तुलनेत ही आवक कमी पडत आहे. दोन दिवसांपूर्वी होलसेल मार्केटमध्ये ७० ते ९० रुपये किलोने मिळणारा वाटाणा आता १२० ते १५० रुपये किलोवर पोहोचला आहे. किरकोळ बाजारात तर चांगल्या दर्जाचा वाटाणा २०० रुपये किलोने विकला जात आहे, तर हलक्या प्रतीच्या वाटाण्यासाठीही १६० रुपये मोजावे लागत आहेत.

त्याचप्रमाणे, गवार आणि शेवगा शेंग यांसारख्या भाज्यांचे दर होलसेल मार्केटमध्ये अनुक्रमे ६० ते ८० रुपये आणि ५० ते ७० रुपये असले, तरी किरकोळ बाजारात ते १२० ते १६० रुपये किलोने विकले जात आहेत. भेंडी, दुधी भोपळा, दोडका आणि कारली यांसारख्या रोजच्या वापरातील भाज्यांचे दरही ८० ते १०० रुपये किलोच्या घरात पोहोचले आहेत.Vegetable Price Hike

पालेभाज्याही महागल्या

फक्त शेंगभाज्याच नाही, तर पालेभाज्यांच्या दरातही मोठी वाढ झाली आहे. कोथिंबीरची मागणी वाढल्यामुळे बाजार समितीत एकाच दिवशी २ लाख १५ हजार जुड्यांची आवक झाली. तरीही, होलसेलमध्ये १० ते १४ रुपये जुडीने मिळणारी कोथिंबीर किरकोळ बाजारात ३० रुपये जुडीने विकली जात आहे. त्याचप्रमाणे, पालक जुडी ३० ते ३५ रुपये, पुदिना २५ ते ३० रुपये आणि कांदापात २० रुपये दराने मिळत आहे.

हा दर वाढलेला असल्याने सर्वसामान्यांना दैनंदिन गरजेच्या भाज्या खरेदी करताना जास्त पैसे खर्च करावे लागत आहेत. पितृपंधरवड्याच्या काळात भाज्यांची मागणी आणखी वाढणार असल्याने, सध्या तरी नागरिकांना दरवाढीचा सामना करावा लागणार आहे.Vegetable Price Hike

होलसेल आणि किरकोळ बाजारातील दरांमधील फरक (प्रतिकिलो/जुडी)

भाजी	होलसेल दर	किरकोळ दर
वाटाणा	१२० ते १५० रुपये	१६० ते २०० रुपये
गवार	६० ते ८० रुपये	१२० ते १६० रुपये
शेवगा शेंग	५० ते ७० रुपये	१२० ते १६० रुपये
भेंडी	५० ते ७६ रुपये	१०० ते १२० रुपये
दुधी भोपळा	३० ते ४० रुपये	८० ते १०० रुपये
दोडका	३० ते ५० रुपये	८० ते १०० रुपये
घेवडा	३० ते ४० रुपये	८० ते १०० रुपये
कारली	३६ ते ४० रुपये	८० रुपये
फरसबी	४० ते ५० रुपये	१०० ते १२० रुपये
कोथिंबीर	१० ते १४ रुपये (जुडी)	३० रुपये (जुडी)
पालक	–	३० ते ३५ रुपये (जुडी)
पुदिना	–	२५ ते ३० रुपये (जुडी)