RBI Recruitment 2025 : बँक नोकरीची तयारी करणाऱ्या तरुणांसाठी एक सुवर्णसंधी उपलब्ध झाली आहे. भारतीय रिझर्व्ह बँक (RBI) ने ग्रेड बी ऑफिसर पदासाठी एकूण १२० जागांची भरती जाहीर केली आहे. या जागांसाठी अर्ज प्रक्रिया आजपासून सुरू झाली असून, इच्छुकांना ३० सप्टेंबरपर्यंत अर्ज करता येईल.RBI Recruitment 2025
पदांचा तपशील आणि शैक्षणिक पात्रता
या भरतीमध्ये एकूण १२० पदे भरली जाणार आहेत, ज्यांचे वर्गीकरण खालीलप्रमाणे आहे:
- ऑफिसर ग्रेड बी (जनरल): ८३ जागा.
- पात्रता: कोणत्याही शाखेतून किमान ६०% गुणांसह पदवी. (SC, ST, दिव्यांग उमेदवारांसाठी ५५% गुण आवश्यक).
- ऑफिसर ग्रेड बी (डीईपीआर): १७ जागा.
- पात्रता: अर्थशास्त्र (Economics) किंवा वित्त (Finance) या विषयात पदव्युत्तर पदवी किंवा पीजीडीएम (PGDM) किंवा एमबीए (MBA).
- ऑफिसर ग्रेड बी (डीएसआयएम): २० जागा.
- पात्रता: संख्याशास्त्र (Statistics) किंवा गणित या विषयात पदव्युत्तर पदवी.
महत्त्वाच्या तारखा आणि अर्ज प्रक्रिया
- अर्ज सुरू होण्याची तारीख: आजपासून
- अर्ज करण्याची अंतिम तारीख: ३० सप्टेंबर
- परीक्षा: १८ आणि १९ ऑक्टोबर रोजी परीक्षा घेतली जाईल.
अर्ज करणाऱ्या उमेदवारांचे वय २१ ते ३० वर्षांदरम्यान असावे. इच्छुक उमेदवारांना आरबीआयच्या अधिकृत वेबसाइट opportunities.rbi.org.in वर जाऊन ऑनलाइन अर्ज भरावा लागेल. अर्ज शुल्क खुल्या, ओबीसी आणि ईडब्ल्यूएस प्रवर्गासाठी ८५० रुपये तर एससी, एसटी आणि दिव्यांग उमेदवारांसाठी १०० रुपये असेल.RBI Recruitment 2025
वेतन आणि निवड प्रक्रिया
या पदांवर निवड होणाऱ्या उमेदवारांना खूप चांगला पगार मिळणार आहे. मूळ वेतन ७८,४५० रुपये प्रति महिना असेल. इतर सर्व भत्त्यांसह, उमेदवारांना दरमहा साधारणपणे दीड लाख रुपयांपर्यंत पगार मिळू शकतो. जर बँकेने राहण्याची सोय केली नाही, तर घरभाडे भत्ताही दिला जाईल.
निवड प्रक्रिया तीन टप्प्यांत पार पडेल:
- दोन ऑनलाइन लेखी परीक्षा (पहिली आणि दुसरी फेरी).
- मुलाखत.
खुल्या आणि ईडब्ल्यूएस प्रवर्गातील उमेदवारांना एकूण ६ वेळा परीक्षा देता येईल, तर इतर प्रवर्गासाठी अशी कोणतीही मर्यादा नाही.RBI Recruitment 2025
